چاتار هجران گجسى صبح وصاله گوزلیم !!
تلسیب سالما منى فکر و خیاله گوزلیم !!
درد هجرانه دوشوب منده طبیب آخدارورام ...
نجه صیاد دوشر صید غزاله گوزلیم !!!
حالیما باخما که لعنت اوخویارسان فالیما
چوخلو لعنت اوخودوم منده بو فاله گوزلیم !
من که بیر بره ی درمانده قاچیرام تلسیک
قورما من ساده دوشوم چنگ شغاله گوزلیم !
من اوزوم آغلییرام حالیما ای نازلی گولوم
گولگونن آغلاما سنده دا بو حاله گوزلیم !!
آنام نازدی آنام سازدی // آنام قیشدا منه یازدی
آنام اولدی منه آتا // آنام اولماز منی آتا
آنام گولمز آنام آغلار // آنام دریا آنام داغلار
آنام بیر گول آنام سونبول // آنام نغمه آنام بولبول
آنام بیر یاخشی نعمتدی // آنام بیر بولّی ثروتدی
آنام معنای یاشاییش // آنام اسباب آساییش
آنام اولدی غمه یولداش // آنا گؤزوندن آخار یاش
آنام عشقه وِریب معنا // اولوپ بیردانه بیهمتا
آنام دامارداکی قانیم // آنامسیز من نئجه قالیم
آنام بیر گول آدی نرگیز // محبتدن دولی لبریز
آنام بیر سئویملی ماهنی // داها «بانو»اونا باغلی
عاشق اولدوم کی یاریم دردیمه درمان ائلیه
یوخ که هر درده سالا.دیده نی گریان ائلیه
عاشق اولدوم کی تاپام بلکه غریبلیک داواسین
نه بیلئیدیم اوزو درد دی.کی پریشان ائلیه
گوزلریم گونده قان آغلار نه یازمیش بومنه
کی منی یار گوزونه خار مغیلان ائلیه
شعر عاشورایی - اثر استاد بزرگوار غفاری اردبیلی - به زبان ترکی آذربایجانی
زینبیـم گـل بـالام قانه باتدی امدی پیکانی گؤز یومدی یاتدی
گئــت دئنـن بختی قاره ربابه اصغریم سینـوین داشین آتدی
مـن دئدیم سووئرللر ایچر سو ایلیـر قمــری لر مثلی «کوکو»
بولمدیم بعضی اوچی سوورمیش اوخلانــا سـو کنارینده آهو
آل بـو قنـداقی منـدن آماندی غصه‌دن قلبیمین باشـی یاندی
بولمـرم اوخ نجـه دگـدی زینب کئچدی اوخ ساق قولوم پارچالاندی
حرمله قویدی بیر اوخ کمانه اصغرین دوتدی حلقین نشانه
تشنـه قربانیمـه دگجین اوخ قنداقـی دوشلوگی باتدی قانه
گوئیــا هئچ یارالی دگـولدی گل کیمی باخدی پیکانه گولدی
گئت ربابه‌دئه باشون ساق اولسون وئردیگون غنچه بیر دسته گولدی
اصغریمه او پیکان چوخ ایدی پهلوانی ییخان بیر اوخ ایدی
آرزیمین گوللری اولدی پـرپر گوئیا اصغریم هئچ یوخویدی
تیتـره‌دی اوخ دگنــده ایاقـی تیتـره‌دیم منـده اصغر سیاقی
بوسه آلدیم بوغازیندن افسوس بوسه سیز قالدی سولمیش دوداقی
اوخشیور گوزلریم ابره اوغلوم التمـاس ایلورم صبره اوغلوم
چوخ چتیندی آتا اؤز بالاسین اؤز الیلـن قویـا قبـره اوغلوم
قارداشیم اولمه سیدی گلردی اود دوتان قلبیمه سـو سپردی
من قویاندا سنی قبره اوغلوم قبروین اوسته توپراق تؤکردی
یات دئدی ای گـل پرپر اوغلوم گئت سنی فاطمـه گوزلر اوغلوم
سولماقین غنچه وقتینده والله قارداشیم محسنه بنزر اوغلوم
خیمه‌ده سوسن و یاسیم آغلار گوزلریم مثل احساسیم آغلار
بولسـه میـداندا آواره‌یم من حالیمه قولسـوز عباسیم آغلار
فرهاد (رجب) ابراهیمی
متولد : روستای کورعباسلو (کورابازلی). نیر . اردبیل
معروف ترین اشعار : شعرهای «آغلاما» ، «آچیل سحر» و «آیریلیق» جزو نخستین کارهای «فرهاد» بود که با آهنگ‌های «سلیمی» و اجرای زنده «وارتوش» (همسر سلیمی) از رادیو ایران پخش شد.
«علی سلیمی» که در آن زمان به‌عنوان رهبر اکستر بزرگ آذربایجانی رادیو ایران مشغول کار بود، در سفری که «رشید بهبوداف» به تهران داشت این قطعات را برای اجرا به او پیشنهاد کرد و همدلی و همکاری فرهاد و سلیمی در صدای رشید، راوی ترانه «آیرلیق» شد.
او همچنین مجموعه ترانه‌های خود را در قالب کتابی با عنوان «آیریلیق» منتشر کرده است.
در ادامه مطلب موارد زیر را می خوانید :
+زندگی نامه استاد از زبان خودش
+توضیحاتی بیشتر
+متن شعر آیریلیق
+و آهنگ آیریلیق
بیر داستان ایشتمیشم ارباب ذوقیدن
چوخ باصفا خبردی یاخوندور حقیقته
بیر نوجوان کیچوردی درِ پادشاهیدن
ناگه گوزی ساتاشدی بیر عدّه جماعته
آلدی خبر نواردی مگر جمع اولوبلا خلق
شاهون قیزی گیدور دیدیلر که ضیافته
چوخ مایل اولدی گورمگه شاهون صبیّه سین
قرآن دیور که باخما دوشرسن ضلالته
چخدی ایلیکه دختر سلطان روزگار
تخت روانون اوسته اولوب غرق زینته
بیر اوخ قوتاردی اگری قاشندان او دخترون
دگدی همان جوانه دچار اولدی محنته
عشقون اوتی گوزندن اَنوب کیچدی قلبینه
یاندی جسم زارینی نار محبّته
بیر آی بود حالینن گیجه لر یاندی صبحه جک
وردی اوزونی بیر گیجه دریای رحمته
گوزیاشی هانسی قفلیدور آیا آچتنمیه
صبحه یاخون دعا یتیشر استجابته
تا صبح اولونجا آغلادی یالواردی خالقه
گون چخدی دوردی گلدی سرای وزارته
چخدی وزیر ایستدی گیتسون مقامنه
داماننه یاپوشدی بنا قویدی صحبته
دردیم دیدی بویوکدی بویوک شخصی تاپّشام
باختی وزیر قلبی دولوب گلدی رقّته
هر حاجتون دیدی اولا من ایلرم روا
هر دردون اولسا ایله بیان دوشمه وحشته
بیر شعر غفاری اردبیلی دن آنا موضوعون دا .
(شعر زیبای غفاری در مورد مادر )
گؤزلریم قربانین اولسون ،کوسمه مندن آی آنا
آند اولا اؤز جانینا سس وئر ، داریخدیم آی آنا
چوخ گئجه سن صبحه جگ قالدیرن اویاق لای لادئدین
ایندی سن دینجل بیرآز، قوی من دئییم لای لای آنا
سن منه آلدین گئیدیردین حسینون قره سین
من سنه آمما گئیدیردیم کفن ای وای آنا
گئت آنا اوغلو اؤلن زهرایه تاپشیردیم سنی
سن ده زهرا تک منی ، نوکرلریندن سای آنا
من دئدیم گول سن اولوب پرپر داغیلدین گول کیمی
تاپمادیم چونکو سنه گول دن گؤزل بیر تای آنا
کاش دییئیدیم آی سنه ، گوندوز قالاردین پرده ده
هر گئجه یارسی چیخاردین سئیره مثل آی آنا
وئردیین سوت دن گرگ ، آرتیق تؤکم گؤز یاشیمی
گؤز یاشیم تک آخمییب صحرایه ، آخماز چای آنا
من دئیینده آی آنا ، سن جان دئییردین هر زامان
ایندی من جان سسلیرم ، سن وئیرمییرسن های آنا
دانلود دکلمه شعر :
فلکین قانلی الیندن بیر آتیلمیش یئره اَندی
بیر فلاکت آنانین جان شیرسیندن سوتون اَمدی
بو للو نیسگیل شله سین چیگنینه آلدی
تای توشوندان دالی قالدی
ساری گول میثلی سارالدی
گونی تک باغری قارالدی
درد الیندن زارا گلدی
گونی گوندن قارا گلدی
خان چوپانسیز سِلَه تاپشیرسین اوزون ،
یوردوموزا بیر سارا گلدی.
بیر وفاسیز یار اَلیندن ،
یارا گلمز سانا گلدی
بیر یازیق قیز جان اَلیندن جانا گلمز جانا گلدی
گئجه چکده الموت دامنه سیندن بورایا درمانا گلدی
بیر آدامسیز سوری آدلی
اَلی باغلی ، دیلی باغلی.
گئجه دیر
باخیرام آی باجاسیندان
باشقا بیر ماوی گؤیه
اوردا دا وار ائله بیل :
گئجه یوردون قانا دؤنموش دنیزیندن
نئچه بیر غملی بولود
چنلی داغ
قانلی سؤیود
گئجه دیر ...
باخیرام آی باجاسیندان
باشقا بیر ماوی گؤیه .
"حمیده رئیس زاده" (سحر خانیم)
.................................
بیوگرافی شاعر :
متولد 1333
شهر اردبیل محله اوچ توکان
از دهه سوم زندگی مهاجرت به سوئد
اطلاعات بیشتر در مورد شاعر در نشریه دانشجویی صاباح .
آثار : ماویلر ، آیلی باخیش
جهت دانلود اینجا کلیک کنید 